CONVOCATORIA DO IV CONCURSO INTERUNIVERSITARIO DE INTEGRIDADE ACADÉMICA NO SUG

O Grupo Interuniversitario de Integridade Académica no Sistema Universitario de Galicia composto polos grupos GIACE da UDC,
IDEA da USC e GIES da UVigo, convoca o IV Concurso Universitario de Integridade Académica no SUG.

OBXECTO DO CONCURSO

O obxecto do concurso é a realización dun cartel sobre as condutas e prácticas que debe ter en conta e poñer en práctica o alumnado co fin de evitar accións contra a integridade académica. A finalidade céntrase en concienciar e potenciar a cultura ética e a responsable na integridade académica na Educación Superior. 

BASES  DO CONCURSO 

1. Participantes  

Poderá participar o alumnado (de grao, máster e doutoramento) das Facultades e centros das tres universidades públicas galegas (UDC, USC e UVigo). O cartel realizarase individualmente

2. Temática 

O cartel deberá reivindicar as condutas e prácticas que o alumnado debe poñer en uso para evitar accións contra a integridade académica co emprego da IA, nun ou varios dos seguintes aspectos:

A. Traballos escritos e autoría

1. Entregar un texto xerado case por completo por IA como se fose propio.
2. Pedir á IA que parafrasee un texto copiado para evitar o plaxio.
3. Empregar IA para xerar o traballo e facer só cambios superficiais.
4. Empregar IA para inventar citas ou referencias bibliográficas.
5. Pedir á IA resumos e comentarios de obras e entregalos como propios.
6. Traducir cunha IA un texto alleo e presentalo como traballo orixinal.
7. Pedir á IA que imite o estilo de escrita doutra persoa para confundir sobre a autoría.
8. Ocultar deliberadamente o uso da IA cando se esixe declaralo.
9. Modificar con IA traballos antigos doutros cursos ou doutras persoas e presentalos como propios.
10. Empregar a IA como corrector de estilo de forma intensiva sen o recoñecer.
11. Pedir á IA ideas ou esquemas e non mencionar esa axuda no traballo.
12. Empregar IA para simplificar textos académicos complexos e substituír a lectura do orixinal.

B. Programación e tarefas técnica

1. Pedir á IA a solución completa de exercicios de programación ou problemas.
2. Empregar IA para camuflar código copiado (cambiar nomes, estrutura, etc.).
3. Empregar IA para explicar código xerado por ela mesma e repetilo como se fose comprensión propia.
4. Compartir coa IA enunciados de uso restrinxido cando o docente o prohíbe.

C. Exames e probas de avaliación

1. Empregar aplicacións de IA no móbil, reloxo ou navegador durante exames nos que está prohibido.
2. Facer fotos do exame e pedir á IA as respostas en tempo real.
3. Permitir que outra persoa empregue IA para facer un exame en liña no teu nome.
4. Empregar IA para redactar respostas en cuestionarios en liña cando se esixe traballo individual.

D. Investigación e xeración de datos

1. Fabricar datos ou resultados experimentais con IA.
2. Inventar con IA transcricións de entrevistas que nunca se realizaron.
3. Crear con IA figuras ou gráficos que se presentan como datos reais.
4. Pedir á IA o marco teórico ou a discusión dun TFG/TFM sen contrastar as fontes.
5. Xerar con IA reseñas ou comentarios positivos falsos sobre un traballo propio.

E. Participación, traballos en grupo e comunicación académica

1. Empregar IA para intervir en foros ou debates sen ler os materiais.
2. Entregar nun traballo en grupo achegas xeradas por IA sen dicilo ao equipo.
3. Redactar con IA avaliacións entre iguais sen ler o traballo da persoa compañeira.
4. Redactar con IA correos ao profesorado con escusas ou información falsa.

F. Contidos enganosos e manipulación da realidade

24. Crear con IA imaxes, audios ou vídeos enganosos (deepfakes) como se fosen evidencias.

3. Características técnicas

As propostas  deberán atender ás seguintes  características técnicas:

• O formato será cartel.
• O cartel realizarase en formato dixital (presentación horizontal). DIN A4 ou DIN A3
• A resolución mínima de imaxes será de 300 ppp.  
• O cartel deberá presentarse en galego e castelán.
• O cartel deberá ser orixinal e inédito e non poderá incluír imaxes con dereitos de autoría.
• No cartel non se incluirá a autoría nin nungunha outra referencia que permita a súa identificación.
• O arquivo enviarase en formato JPG e PDF nun arquivo  identificado da forma seguinte: apelido_apelido_nome_siglas da universidade (UDC/USC/UVigo).

4. Prazo de presentación 

O prazo de presentación será dende o día seguinte da publicación das bases na páxina web https://integridadacademica.com e naquelas propias das Facultades e centros implicados, ata o día 30 de maio de 2026  ás 24:00 horas.

5. Forma de envío dos traballos 

• Os traballos deberán remitirse  en formato electrónico xunto coas versións en JPG ePDFf para galego (Ga) e castelán (Cas):
  
  • nome_apelido_apelido_sigla Universidade_cartel_Ga. jpg
  • nome_apelido_apelido_sigla Universidade_cartel_Cas. jpg
  • nome_apelido_apelido_sigla Universidade_cartel_Ga.pdf
  • nome_apelido_apelido_sigla Universidade_cartel_Cas.pdf

Exemplo: 

jesus_munoz_cantero_UDC_cartel_Ga.jpg 
jesus_munoz_cantero_UDC_cartel_Cas.jpg  
jesus_munoz_cantero_UDC_cartel_Ga.pdf 
jesus_munoz_cantero_UDC_cartel_Cas.pdf 

• Certificado de matrícula  nun título de grao ou máster nalgunha  das tres universidades publicas do SUG.
  O nome do arquivo: nome_apelido_apelido_siglaUniversidade_matrícula 

Exemplo: 

jesus_munoz_cantero_UDC_matricula 

• Os documentos (cartel en jpg e pdf en galego e castelán e documento de matrícula) deberán enviarse o seguinte enderezo:

              concurso@plaxio.org

• No corpo da mensaxe deberán incluírse os seguintes datos do/a  participante:
  • Nome e apelido do/a autor/a, 
  • Facultade, 
  • Universidade, 
  • Titulación que cursa, 
  • Curso, 
  • Correo electrónico (institucional)

6. Premios 

• Concederase un único premio por cada Universidade. O premio consistirá nunha Tableta GALAXY TAB A9+ WIFI 64GB  (a comisión se reserva o dereito de modificar o modelo por cuestións de existencias) 
• Darase certificado para o 2º e 3º premio.

7. Criterios de valoración 

• A mensaxe sobre a integridade académica.
• A calidade técnica.
• A orixinalidade.
• A creatividade.  

8. Aceptación das bases 

A participación no concurso implica a aceptación das bases.   

As persoas que participen, responsabilizaranse da súa orixinalidade e autoría.

A participación fraudulenta dará lugar á exclusión da solicitude presentada, sen prexuízo doutras responsabilidades.  

9. Xurado 

• O xurado estará composto polos/as Vicerreitores/as de Investigación das tres universidades ou en seu defecto, os/as decanos/as das tres Facultades de Ciencias da Educación das tres Universidades e cinco membros do Grupo Interuniversitario de Integridade Académica no Sistema Universitario de Galicia. 
• A  resolución do xurado será inapelable e poderá declararse deserto algún premio. 

10. Dereitos de propiedade 

• A propiedade intelectual dos traballos será dos/das participantes.
• A organziación poderá os traballos para sifucsión sen ánimo de lucro.
• O Grupo interuniversitario poderá procesar, adaptar, modificar e corrixir os traballos gañadores para adecualos ás necesidades  do concurso.